«En av norsk folkemusikks mest fargerike og uredde utøvere»

                                   Mode Steinkjer,  Dagsavisen

«En stemme som trakterer skalaer som få andre vokalister i Norge»

                               Ole Foss, Romsdals Budstikke

UNNI BOKSASP // 

Med røtene trygt planta i dei norske folkemusikktradisjonane, arbeider Unni som folkesongar, låtskrivar og pedagog. Ho let seg utfordre både i det tradisjonelle uttrykket og med å vidareutvikle og leite fram nye musikalske vegar, ilag med kunstnarar frå ulike sjangrar, kulturar og uttrykk. Ho har dreve sitt eige Unni Boksasp Ensemble sidan 2006, som ho mellom anna vann Spellemannsprisen ilag med for plata «Keramello».

Endeleg urpremiere på

DRAUMKVEDET MED NY MUSIKK AV UNNI BOKSASP

Turneliste januar 2023:

 

Fredag 6. januar  kl 18:00 (konsertstart ca kl 20:00)

Nutheim Gjestgiveri, Seljord

https://fb.me/e/48JQnBxuD

For billettar ring: 97542705

 

Laurdag 7. januar kl 19:30

Kulturkirken Jakob, Oslo 

https://fb.me/e/53qyk7nlW

Billettar: www.ticketmaster.no/event/704447

 

Søndag 8. januar kl 16:00 (konsertstart kl 17:00)

Gaustatoppen, Tinn

Billettar:

https://gaustabanen.no/eventer/draumkvedet?fbclid=IwAR0cPKS-VWK7F6UZvQ5zTpFPubJEEvp-iIUDTub5U9ugCxVcAzKEJX6ADxA

 

 

Tysdag 10. januar kl 19:00

Bondehuset, Stangvik

https://fb.me/e/2iYFx4Cm7

Billettar: https://festspillksu.ticketco.events/no/nb/e/unni_boksasp_draumkvedet_i_stangvika

 

Onsdag 11. januar kl 19:00

Nordlandet kirke, Kristiansund

https://fb.me/e/2X6iak4hz

Billettar: https://festspillksu.ticketco.events/no/nb/e/unni_boksasp_draumkvedet__nordlandet_kirke

11., 12. og 13. januar er det planlagt konsertar i regi av Hilmarscena. Dei blir lagt ut så snart dei er avklart.

Litt om konserten:

Eg har vore meg opp i sky

og nedatt på svarte dike

eg har sett til heite helvete,

og ein glimt av himmelrike 

 

fortel Olav Aasteson, hovudpersonen i Draumkvedet. Han fell i djup søvn på julekvelden, og vaknar ikkje opp att før etter 13 døgn. Da har han drøymt at han har reist over Gjallarbrua til dødsriket. Han ser inn i Paradis, han ser dei grufulle straffane som ventar syndarar i Helvete og blir slutt blir han vitne til dommedag i Brokksvalin. 13. dag jul vaknar Olav opp frå draumen, salar på hesten sin og rir til kyrkja. Så set han seg i kyrkjedøra og syng ut heile den underlege draumen sin for kyrkjelyden. 

 

Draumkvedet er eit visjonsdikt, truleg frå slutten av mellomalderen. Den første nedteikninga vi har av Draumkvedet er frå 1842, og sidan er omlag 100 nedskrifter innsamla – alle frå øvre Telemark. Dei mest nytta versjonane er rekonstruksjonane gjort av Jørgen Moe, M.B. Landstad og Moltke Moe, som har sett saman tekstbolkar etter ulike kjelder til ein «fullverdig versjon». Variasjon og improvisasjon er ein del av folkesongen sin natur, og var ei utfordring for innsamlarane på 1800-talet. «Anne er upaalidelig og ikke sanddru, hun kan vel hav lavet noget hist og her på egen Haand.» skreiv Sophus Bugge i 1857 om Anne Skålen si framføring av Draumkvedet. Og det gjorde ho sjølvsagt, som så mange før og etter henne! Folkesongarane har, tradisjonen tru, forma Draumkvedet på sine personlege måtar opp gjennom historia. 

 

Mange komponistar, som Ludvig M. Lindemann, David Monrad Johansen, Sparre Olsen, Eivind Groven og Arne Nordheim, har latt seg inspirere til å komponere nye versjonar av visjonsdiktet. Folkesongar Unni Boksasp syntes no det var på tide at ein folkemusikar laga ny musikk til dei gamle tekstane, og inspirert av tradisjonsmusikken og tidlegare formidlarar av Draumkvedet, har ho no laga ny musikk og nye arrangement til den tidlause historia. Tekstene ho brukar er alle henta frå dei 100 ulike nedskriftene av Draumkvedet, kanskje særleg den frodige versjonen Anne Skålen framførte ved gruva si for Sophus Bugge i 1857, og historia om Olav Aasteson si draumeferd er den same. 

 

Idé, tekstutval, komponist og utøvar: Unni Boksasp

Regi og tekstutval: Marianne Meløy

Draumkvedbilde Boksasp.jpg